sunnudagur

Enn fluttur.

Hallóóó. Af hverju ertu enn að villast hingað inn. Ég er fluttur á þennan stað og þar blogga ég frammvegis. Vonandi þarf ég ekki að tyggja þetta ofan í þig.

Ef þú ert með hlekk á mig á blogginu þínu, vinsamlegst uppfærðu hann fyrir mig. Breyttu svo heimilisfanginu í favorites.

sigmarg.blog.is

12 Comments:

Blogger Davíð Þór said...

Af því að ég hef annað við líf mitt að gera en að vera sífellt að uppfæra mátið á síðunni minni af því að bloggararnir sem ég les geta ekki drullast til að vera kyrrir á sínum stað!!!

4:12 e.h.  
Anonymous Nafnlaus said...

Því í ósköpunum ert þú Zigmarr að þvælast hingað inn. Ertu ekki fluttur? Skrítið líf hjá þér, fluttur en ert samt hér. Kúlurass?? Til hvers, er gott að sitja á einum svoleiðis, eða á einhverjum að verða starsýnt á hann? Hver ætli það sé? Einhver úr boltanum? Vinnufélagi?

9:11 e.h.  
Blogger Kristín Alma said...

Mér líkar bara miklu betur við þessa síðu.
Ætla bara ekkert að kíkja á þessa nýju og vera bara hér...takk fyrir.

6:02 e.h.  
Blogger DonPedro said...

Ég kem nú bara hingað til að kommenta, af því að kommentakerfið hinum megin tottar steypubíla.

8:44 e.h.  
Anonymous Nafnlaus said...

Já, og ég er hérna af því að konan þín veit ekki hvar nýja síðan þín er.

11:50 f.h.  
Blogger DonPedro said...

Eigum við kannski að taka yfir þessa síðu?

3:49 e.h.  
Blogger Kristín Alma said...

Já, DP hvernig væri það?

8:46 e.h.  
Blogger DonPedro said...

Kýlum á það. Hér er stut hugrenning:

Þegar úthlutað var úr ratsjóði nýbura, var verið að græða extra stórt nef á mig, og ég missti af úthlutuninni. Fyrir vikið er ég krónískt áttavilltur, og rata varla um eigið hverfi án þess að villast, öðrum yfirleitt til barnslegrar kátínu og gremju til skiptis.

Ég hef gert margar gloríurnar fyrir vikið, en toppurinn á ferli mínum sem áttavillingur hlýtur þó að hafa verið þegar ég dró nokkra skelþunna og syfjaða vini með mér snemma á sunnudagsmorgni inn í Hvalfjörð til þess að ganga upp að hæsta fossi Íslands; Glymi. Þar sem ég var búinn að klifra þarna upp tvisvar áður, var ég sjálfsskipaður leiðtogi ferðarinnar, og kvaddi niður með valdsmannlegri rödd allt tuð og röfl um ilsig og áfengiseitranir. Eftir að hafa glímt harðvítuga baráttu við þyngdarlögmálið í um annan tíma, blasti loksins Glymur við okkur í allri sinni dýrð - inni í miðju fjallinu við hliðina á okkur. Ég hafði semsagt valið vitlaust fjall. Næst þegar ég átti afmæli, var efnt til samskota, og ég fékk að gjöf kort af Íslandi, áttavita og Atlas. Ég tók því eins og maður.
Mynd dagsins er úr hálendis-ljósmyndaferð sem ég rataði heim úr.

12:25 f.h.  
Blogger DonPedro said...

Stjórnandi bloggs hefur fjarlægt þessi ummæli.

12:25 f.h.  
Blogger DonPedro said...

Hér er svo önnur:

SMS Sjúkdómurinn

Ég hafði gaman að stúlkunni í Idol keppninni sem mistúlkaði orð Bubba á þann hátt að hann hefði sagt að hún væri eins og fíll.

Ég fór að rifja upp svipaðar aðstæður úr eigin lífi, og af nógu er að taka. Pabbi minn á það til að rugla saman skammstöfunum og hugtökum, öðrum til skemmtunar. Hann er enn að hlusta á diskettur með tónlist, og þegar við bræðurnir vorum farnir að fá bólur og ganga til unglingavinnu, talaði hann iðulega um að við værum að fara í skólagarðana. Það var líka hann, sem sagði grafalvarlegur frá einhverjum kunningja sínum sem væri að berjast við SMS sjúkdóminn. Við bræðurnir hlógum okkur bláa, og pabbi skildi ekki þessa léttúð í okkur þegar talað væri um lífshættulega sjúkdóma. Við sáum aftur á móti fyrir okkur einhvern aumingja mann með risastóra, þrútna og skjálfandi þumalputta, sem gat ekki fyrir nokkra muni sent SMS. Ahhhh - good times.

12:26 f.h.  
Blogger DonPedro said...

Það er rosalegt hvað er fallegra og auðveldara að kommenta hér en á nýju síðunni.

12:26 f.h.  
Anonymous Nafnlaus said...

Þetta er gott. Hér er ró og friður. Hér er gott að vera. sjáumst bráðum aftur.

4:12 e.h.  

Skrifa ummæli

<< Home